Xalqaro kreditlarni boshqarish va ularning iqtisodiy samaradorligini oshirish masalalari

      Xalqaro kreditlar mamlakat iqtisodiyotini barqaror rivojlantirish, investitsion faollikni kengaytirish, ishlab chiqarish va ijtimoiy infratuzilmani modernizatsiya qilishning muhim moliyaviy manbalaridan biri hisoblanadi. Iqtisodiyotni tarkibiy jihatdan isloh qilish, zamonaviy texnologiyalarni joriy etish hamda strategik investitsiya loyihalarini moliyalashtirishda xalqaro moliya institutlari tomonidan ajratilayotgan kredit mablag‘larining o‘rni tobora ortib bormoqda. Shu bilan birga, xalqaro kreditlardan samarali foydalanish ularni oqilona boshqarish, mablag‘larning maqsadli yo‘naltirilishi va iqtisodiy natijadorligini ta’minlash bilan bevosita bog‘liq.      Tadqiqotda xalqaro kreditlarni boshqarishning nazariy va amaliy asoslari tahlil qilinib, Oʻzbekistonda xalqaro kreditlarni jalb etish va ulardan foydalanishning bugungi holati baholangan. Kredit mablag‘larining iqtisodiy samaradorligiga ta’sir etuvchi omillar, investitsiya loyihalarini moliyalashtirishdagi ahamiyati hamda davlat tashqi qarzini boshqarishning ustuvor yo‘nalishlari yoritilgan. Shuningdek, xalqaro kreditlardan foydalanish samaradorligini oshirish, moliyaviy resurslarni maqsadli yo‘naltirish, monitoring va nazorat tizimini takomillashtirish hamda xalqaro moliya institutlari bilan hamkorlikni yanada rivojlantirish bo‘yicha ilmiy xulosalar va amaliy takliflar ishlab chiqilgan.