PROFESSIONAL TA’LIM MUASSASALARIDA INGLIZ TILI DARSINI REJALASHTIRISH: MAQSAD–NATIJA–BAHOLASH ZANJIRI ASOSIDA

Professional ta’lim muassasalarida ingliz tili fanini o‘qitishning asosiy talabi – o‘quvchini real kasbiy vaziyatlarda ishlatiladigan til ko‘nikmalariga olib chiqishdir. Amaliyotda esa dars maqsadi umumiy ifodalanishi, kutiladigan natija aniq o‘lchanmasligi va baholash topshiriqlari dars faoliyatidan uzilib qolishi sababli o‘qitish samaradorligi pasayadi. Ushbu maqolada darsni rejalashtirishda “maqsad–natija–baholash” zanjiri bo‘yicha konstruktiv moslik (constructive alignment) tamoyili hamda “backward design” (orqadan loyihalash) yondashuvi asosida metodik model taklif etiladi. Metodologiya bo‘limida ehtiyoj tahlili, SMART maqsad qo‘yish, o‘quv natijalarini kompetensiya formatida (bilim, ko‘nikma, munosabat) yozish, baholash mezonlari va rubrikalar tuzish, formatif baholash vositalari (exit-ticket, chek-list, mini performance)ni rejalashtirish bosqichlari bayon qilinadi. Natijalar bo‘limida texnikum sharoitida 4 haftalik modul uchun namunaviy reja-jadval, topshiriqlar va rubrika namunasi keltirilib, zanjirli rejalashtirish darsning mantiqiyligi, talaba faolligi va baholashning shaffofligini oshirishi asoslanadi.