UZUMNI QURITISHDAN OLDINGI ISHLOVNING (ISSIQ SUVDA ISHLOV, ISHQORIY ERITMA) QURITISH TEZLIGIGA VA FENOL BIRIKMALARINING SAQLANISHIGA TA’SIRI

Ushbu tezisda uzumni mayizga qayta ishlash jarayonida qo‘llaniladigan quritishdan oldingi ishlovlarning, xususan issiq suvda qisqa muddatli ishlov berish hamda ishqoriy eritmalar bilan ishlov berishning quritish kinetikasi va fenol birikmalarining saqlanishiga ta’siri tahlil qilindi. Uzum po‘stlog‘idagi tabiiy mum qatlami namlikning tashqariga chiqishini cheklashi sababli dastlabki ishlov quritish jarayonining muhim bosqichi hisoblanadi. Adabiyotlar tahlili ishqoriy eritmalar po‘stloq yuzasidagi mum qavatini qisman eritib, mikro yoriqlar hosil qilishi va namlik diffuziyasini tezlashtirishini ko‘rsatadi. Issiq suv bilan ishlov berish esa kimyoviy qoldiq hosil qilmasdan po‘stloq o‘tkazuvchanligini oshirishi mumkin, biroq harorat va davomiylik noto‘g‘ri tanlanganda fenol birikmalarining termik va oksidativ yo‘qotilishi kuchayadi. Shu bois quritish vaqtini qisqartirish va biofaol komponentlarni saqlash o‘rtasida muvozanatni ta’minlaydigan yumshoq ishlov rejimlarini tanlash asosiy texnologik vazifa sifatida qaraladi.